Wê çalakî bi pêşnegiya Tevgera Jinê Kurd li Ewropa (TJK-E) werin lidarxistin.

Ligel panel û semîneran wê bi platformên jinên Swîsreyî û koçber mîtîng û meşên hevbeş werin lidarxistin, li navendên bajêr stantên agahdarkirinê werin danîn û wê bi çalakiyên li kolanan ‘şîdeta li ser jinê’ were protestokirin.

YJK-S ji bo çalakiyên 25’ê Mijdarê ku wê bi dirûşmeya “Li hemberî qirkirina jinê, dem dema parastina jin û civaka azad e” banga tevlêbûnê kir.

Di bangewaziyê de hate gotin merasîmên ku bi daxwaza li hemberî qirkirina jinê, afirandina jin û civaka azad wê ji 7’ê Mijdarê destpê bikin û 28’ê mehê bi dawî bibin, wê bi armanca balkişandina li ser qirkirina jinê ya li Efrînê heyî û şermezarkirina êrişên dewlet Tirk a dagirker yên bi gazên kîmyewî û jehrî li ser Kurdistanê pêk tîne werin lidarxistin.

Programa merasîm û çalakiyên ku wê ji 7 heya 28’ê Mijdarê bidome wiha ye:

-Wê li Bern, Zurîh, Aaraû, Solotûrn, Lûzern, St.Gallen, Belîzona, Basel, Cenevre û Lozanê panel û semîner werin organîzekirin û stantên agahdarkirinê werin vekirin.

-Bi heman armancê 25’ê Mijdarê wê bi saziyên jinan li hemû herêman meş û mîtîngên hevbeş werin lidarxistin.

Li ser vî bingehî;

25’ê Mijdarê li Zurîhê saet 19:30’an li Helvetîa Platz

25’ê Mijdarê li Lûzernê saet 18:00’an li Bahnhof Platz

25’ê Mijdarê li Baselê saet 18:00’an li Theater Platz

 25’ê Mijdarê li Bernê saet 19:00’an li Bûbenberg Platz

Wê mîtîng û xwepêşandan werin lidarxistin.