Tevgera Jinên Azad ên Kurdistanê (RJAK) di çarçoveya 8’ê Adarê de çalakiyên xwe yên 8’ê Adarê didomîne. Di çalakiya xwe ya dawî de wêneyên jinên pêşeng û têkoşer li seranserê taxên Kerkûkê daliqandin.

Hêjayî gotinê ye ku di nav wêneyan de ji wêneyê Sakîne Cansizê heta wêneyê Firyal Silêman Xalid gelek wêneyên jinên pêşeng û têkoşer hebûn. Her wiha li ser wêneyan dirûşmeyên wekî “Şoreşa Başûr Şoreşa Jinan e”, “Jin, Jiyan, Azadî”, “Heta Jin Azad Nebin, Civak Azad Nabe” û “Em ber bi Şoreşa Jinan Gavan Diavêjin” hebûn.

RJAK’ê hefteya borî roja înî li bajarê Kerkûkê siyasetmedar û çalakvana jin a Kurd Firyal Silêman Xalid li wî cihî bi bîr anî ku li wir hatibû şehîdkirin û bi beşdariya gelek jinên çalakvan û bi hevkariya Komîteya Amadekar a Çalakiyên 8’ê Adarê bi dirûşmeya “Jin, Jiyan, Azadî” û “Em ber bi Şoreşa Jinan Gavan Diavêjin” komek çalakiyên çandî û hunerî ragihandibûn.

RJAK’ê bi boneya 8’ê Adarê di maweya heşt rojên borî de li Kerkûkê komek çalakî li dar xistibûn ku ji van pêk dihatin: semîner, panel, serdana saziyên jinan, serdana jinên karker û xwedîkar, daliqandina wêne û gelek çalakiyên din ên çandî û hunerî.