Platforma Jinan a Îskenderûnê, li Ula ya navçeya Mûglayê bi meşa ku lidar xistîn, qetilkirina xwendekara zanîngehê Pinar Gultekîn şermezar kirin.

Jinên ku li Bazara Bît a Kevin pankarta bi nivîsa, “Em ne di nava xemgîniyê de, di îsyanê de ne” û dowîzên bi nivîsa, “Ne jinan, şîdeta zilam asteng bike”, “Ji tacîz û tecawûzê re na”, “Pinar, Seher û Fatma rûmeta me ne”, “Lihevkirina Stenbûlê pêk bîne”, “6284’ê pêkbîne, cînayetên jinan rawestînin” hilgirtîn, bi çepik û dirûşmeyan ber bi Parka Boyaxçiyan ve meşiyan.

Endama Platforma Jinan a Îskenderûnê Belgîn Ayranci Kartal axivî û da diyarkirin ku ew ne mirinê dixwazin jiyanê dixwazin, êdî bese. Kartal wiha diyar kir: “Em li kolanan, taxan, salonên dadgehan, li her cihê ku em ji hev veneqetin. Yê ku destkariya li Lihevkirinê Stenbolê, 6284’ê dike hevkarên van qetlîamanin. Ji bo ku em wekhev û azad bijîn, ji bo xwişka xwe Pinar, ji bo me hemûyan li her derê em di îsyanê de ne. Pinar Gultekîn, Seher Tokoglu, Fatma Altinmakas û hemû jinên hatîn qetilkirin îsyana me ne, ne pêşî li lihevkirina Stenbûlê, pêşî li cinayetan bigrin.”