Di 9’ê Çileya 2013’an de yek ji avakara PKK’ê Sakîne Cansiz (Sara), Nûnera KNK’ê ya Parîsê Fîdan Dogan û endama Tevgera Ciwanan Leyla Şaylemez li Parîsê hatibûn qetilkirin, hatin bibîranîn.

Saziyên Kurdistanî, Tevgera Jinên Kurd, Nûnerên Saziyên Kurd û dostên Kurdan ên li Parîs û Ile de Franceyê tevlî bîranînê bûn.

Bîranînê bi berzkirina dirûşmeyên “Stop Erdogan, Terorîst Erdogan”, “Sara, Rojbîn, Ronahî”, “Jin Jiyan Azadî”, “Şehîd namirin” û “Bimire dewleta Tirk a faşîst”, bi meşek girseyî ji ber Gare de Nordê dest pê kir.

Çalakgerên ku bi hildana pankartên ku wêneyên her sê jinên şehîd Cansiz, Dogan û Şaylemez li ser û alên Rêberê Gelê Kurd Abdulah Ocalan û YPG-YPJ dest bi meşê kirin. Meşa ku bi dirûşma “Erdogan biryara qetlîamê da! Bila bê darizandin” destpê kirî, li Qada Rêpublîqûeyê veguherî mitîngê.

Mitîngê li ber merşa Ey Reqîb bi 3 deqîqeyan çalakiya rûniştinê dest pê kir.

Di mitîngê de peyamên malbatên Cansiz û Şaylemez hatin guhdarkirin, li ser navê gelek saziyan jî axaftin hatin kirin.

Di axaftinan de, dan zanîn ku yê biryara qetlîamê dayî diyar e û bal kişandin ser vî tiştî ku kujer Serokkomarê Tirk Erdogan e.

Mitîng bi guhdarkirina stranên TEV-ÇAND’ê bi dawî bû.