Platforma Piştewaniya Jinê ya Londrayê bi munasebeta 25’ê Mijdarê Roja Têkoşîna Navnetewî ya li Dijî Şîdeta li Ser Jinê li Edmonton Green’ê stant danîn û daxuyanî dan. Însiyatîfa Jinên Kurd, Yekîtiya Jinên Sosyalîst, Jina Nû, Cemxane, Alxas-Com, endam û nûnerên Baskên Jinan yên Tîlkîlîler û Kurecîklîler tevlê çalakiyê bûn û dirûşmeyên “Ji şîdetê re na, qirkirina jinê dawî bibe” û “Cînayetên jinan polîtîk e” hatin berzkirin.

Di daxuyaniya li wir hat xwendin de bal hate kişandin li ser berdewambûna qetilkirina jinên mamoste, doktor, hunermend û werzişkar ên Efganîstanê ji aliyê Talîbanê û hate gotin ku ku cîhan dengê jinên li Efrînê ku rojane ji aliyê dewleta Tirk û çeteyên wê tên rewandin, tên tecawîzkirin û kuştin û bi darê zorê koçandina wan jî nebihîst.

Di dawiya daxuyaniyê de hat gotin ku ji wan hemû rastiyan re inad, têkoşîna jinê sînoran derbas kir û berdewam dibin çavkaniya îlhamê.

Daxuyanî bi çepik û dirûşmeyan bi dawî bû.