Însyatîfa ku rêxistinên jinan ên Bakur û Rojhilatê Sûriyeyê jî di nav de ne bi dirûşma ‘Ji bo ewlekarî û aştiyê, li dijî dagikirin û qetilkirina jinan têkoşîn’ hate avakirin.
Di însyatîfê de ku bi rêya onlîne bi civînekê hate ragihandin, rêxistinên jinan û nûnerên Bakur û Rojhilatê Sûriye, Iraq, Libnan, Misir, Tunis û Lîbyayê cih digirin.
Di daxuyaniya hate dayîn de bal kişand ser mafên bingehîn ên mirovan, peymanên Desteya Giştî ya Neteweyên Yekbûyî, peymanên navneteweyî yên ku rêgezên wekheviyê yên nava gelan erê dike.
Jinan destnîşan kir ku sîstemên kapitalîst li ser kaos, şer û krîzan emrê xwe dirêj dike, diyar kir ku zêdebûna şidetê ya li ser jin, parçeyek civakê û jinan a bi zanabûn, îşaret kir ku yek ji polîtîkayên herî girîng ên sîstema kapitalîst a cîhanê ye.
Di daxuyaniyê de hate gotin ku li ser bêdengiya saziyên navneteweyî yên têkildarî mafê peymanên navneteweyî binpêkirin zêdetir dibin.
Di daxuyaniyê de ev hate gotin: “Di şerê li herêmê de çand, siyaset, raman û di warê tenduristiyê de piranî jin tên hedefkirin. Li Sûriyeyê qetilkirina Sekretera Partiya Pêşverû ya Sûriyeyê Hevrîn Xelef û yên li gel, endama Koordînasyona Kongreya Star Zehra Berkel û hevalên wê, li Iraqê li Çiyayê Şengalê Êzidî Dunya Hesen, li Silopyayê qetilkirina endama Meclîsa Partiya HDP2ê Sêvê Demir û hevalên wê, li Filistînê Semah Mubarek û li Lîbyayê Selwa Bûgîgîs bi van polîtîkayan hatin hedefkirin û qetilkirin.
Jinan piştî civînê bi dirûşma ‘Ji bo ewlekarî û aştiyê li dijî dagirkirin û qetilkirina jinan têkoşîn’ bi ragihandina însyatîfê dawî li civîna xwe an.
NAVÊ SAZÎ Û KESAYETAN
Navê sazî û kesayetên di însyatîfê de cih digirin wiha ne:
Seroka Komeleya Jinan a Lubnanê Buşra Elî
Seroka Komîteya Jinan a Partiya Taşnak a Lubnan Mary Ann
Endama Komîteya Ewlekariya Yekîtiya Efrîqa, Tunûs û Konseya Aştiyê ya Jinê Selve Kîke
Seroka Komeleya Jinan a Iraqê Şemîran Odîşo
Endama Desteya Rêveberiya Baskê Jinan a Partiya Zehmetkêşan a Kurdistan a Iraqê Şeyda Marûf Mehmûd,Endama Tora Desteka Aştiyê ya Jinan a Lîbya Rabha Farîsî
Endama Meclîsa Sekretera rêxistina Jinê ya Nû ya Misrê Nevîn Ûbeyd
Endama Buroya Têkiliyên Dîplomatîk a Kongreya Star Rûken Ehmed
Endama Koordînasyona Meclîsa Jinan a Bakur û Rojhilatê Sûriyeyê Xewla El Îsa El Hemûd
Seroka Yekîtiya Jinan a Sûryan a Sûriyeyê Sîham Qeyro
Aktivîsta TJA Hacer Ozdemîr.