Bi beşdariya bi sedan jinên ciwan li pêşiya Peymangeha Dêrikê li ser navê Yekîtiya Jinên Ciwan Cûdî Arnîsto daxuyaniya çapemeniyê hate dayîn. Arnîsto got: “Em dikevin sala 19’an a Komploya Navneteweyî hê jî Rêberê me dîlgirtiye û ne li gel me ye, di nava tecrîdekî giran û di destê dewlata faşîst a Tirk de ye.” Arnisto destnîşan kir ku armanca dewletên kapîtalîst ew bû ku biratiya gelan binpê bikin.

Arnisto bal kişand ser rista Rêberê Gelê Kurd Abdullah Ocaln û wiha got: “Serok APO, Rêberê hemû gelane; ji bo gelên Rojhilata Navîn çareseriya jiyaneke azad e”. Arnisto diyar kir ku di kesayeta Rêber APO de dijmin êrîşî gel, ciwan û jinên ciwan dike.

Arnisto di dawiyê de destnîşan kir ku ew soz didin hemû şehîdan û Rêber Apo ku ew ê sala 2017’an bikin sala rizgarkirina Rêber Apo û azadkirina Kurdistanê.

Daxuyaniya çapemeniyê bi dirûşmên “Bijî Serok Apo”, “Bi can bi xwîn, em bi te re ne ey Serok” û “Bê Serok jiyan nabe” ve bi dawî bû.