5’emîn kongreya Yekîtiya Star, piştî nirxandinên berfireh, bi hilbijartina koodînasyonê bi dawî bû. Di kongreyê de derbarê azadiya Rêberê Gelê Kurd Abdullah Ocalan, birêxistinkirina jinan, avakirina akademiyan, parastina jin û zarokan de jî gelek biryarên girîng hatin girtin.

Kongreya 5’emîn a Yekîtiya Star ku duh li Navenda Çand û Huberê ya Bajaroka Rimêlan bi beşdariya 350 delegeyên ji hemû bajrên Rojavayê Kurdistanê, Ewropa û Libnanê, her wiha nûnerên gelek saziyên jinan destpê kiribû, bidawî bû. Piştî nirxandinên siyasî û rêxistinî, li ser van mijaran biryarên girîng hatin girtin;

1- Biryarên derbarê Azadiya Rêberê Gelê Kurd Abdullah Ocalan de:

- Wê rêxistinên jinê çalakiyan lidar bixe

- Ji bo tenduristî û azadiya Rêberê Gelê Kurd Abdullah Ocalan dê çalakî bên berfirehkirin

- Ji bo azadiya Rêberê Gelê Kurd Abdullah Ocalan wê kampanyaya îmzeyan bê destpêkirin

- Raman û felsefeya Rêberê Gelê Kurd Abdullah Ocalan wê di nava gelan û jinên Rojhilata Navîn de bêne belavkirin.

- Wê pirtûkxaneyek ji pirtûkên Rêberê Gelê Kurd Abdullah Ocalan bê vekirin

- Wê piştgiriya pêvajoya ku Rêberê Gelê Kurd daye destpêkirin, bê kirin

2- Biryarên derbarê rêxistinkirinê de

- Li hemû herêman mayindekirina sîstema komîn û komîteyên demokrat

- Bi slogana “divê tu jin li derveyî rêxistinkirinê nemînin” wê xebatên rêxistinkirinê bêne meşandin

- Di warê raman û rêxistinê re pêşxistina parastina cewherî

3- Biryarên derbarê mijara çandê de

a- Akademiyên ramanê yên Star

- Di asta pisporiyê de pêşxistina perwerdeyan

- Zanista jinê wê bi awayekî akademîk bê lêkolînkirin

- Konferansa akademiyan wê bê lidarxistin

b- Çapemenî

- Li hemû herêman wê navendên navendên çapemeniya jinê bêne vekirin

- Konferansa çapemeniya jinê wê bê lidarxistin

c- Çand û huner

- Li hemû herêman wê komîteyên hunerî yên jinê bêne avakirin

- Dê konferans çand û hunerê ya jinê bê lidarxistin

4- Biryarên derbarê çalakiyan û civakê de

a-Ji bo zarokan 

- Avakirina saziyên parastina zarokan û zarokên astengdar

- Avakirina parkên zarokan

- Bi riya saziyên mirovî de wê li dijî tundiya li ser zarokan bê derketin

- Dê li dijî xebitandina zarokan têkoşîn bê dayîn

b- Tenduristî

- Ji bo tenduristiya jin û zarokan di nava meclîsa tenduristiyê de avakirina komîteyan

c- Şehîd û malbatên wan

- Di nava saziyênmalbatên şehîdan de wê jin bêne birêxistinkirin

- Wê arşîva şehîdên jin bê çêkirin

- Wê alîkariya malbatên şehîdan bê kirin

5- Biryarên derbarê Dayikên Aştiyê de

- Ji bo bicîhanîna biryarên konferansa dayîkên aştiyê wê xebat bê meşandin

6- Biryarên derbarê komîteyên jinê yên di Saziya Zimanê Kurdî de

- Li herêmên ku komîteyên jin nehatine avakirin wê mamosteyên jin bêne birêxistinkirin

- Yekîtiya Star ji bo pêşxistina zimanê dayîkî de wê rola xwe ya pêşeng bilîze

7- Biryarên derbarê çalakiyên siyasî û demokratîk de

- Di nava şaredariyan de wê jin bêne birêxistinkirin

- Ji bo çalakiyên parastina xwezayê wê jin bêne birêxistinkirin

8-Biryarên derbarê mafan de

- Ji bo parastina mafên jinên li Suriyê wê forumek bê birêxistinkirin

-Wê pêşnumaya destura bingehîn bê amadekirin

9- Biryarên derbarê kar û aboriyê de

-Pêşxistina projeyên aboriya jinê

-Avakirina kargehên jinê

10- Biryarên derbarê çalakiyên dîplomasiyê de

- Ji bo jin li Rojhilata Navîn bê naskirin wê komîteyek dîplomasiyê bê avakirin

- Bi jinên netewên din re dê proje bêne pêşxistin

- Li Ewropa û Libnanê dê  komîteyek têkiliyan bê avakirin

- Li ser navê Yekîtiya Star dê navendek têkiliyan bê avakirin

11- Biryarên derbarê çalakiyên ciwanan de

-Di nava refên ciwanan de belavkirina ramana azad

- Li hemû qadan birêxistinkirina jinên ciwan

- Vekirina akademiyan jinên ciwan

12- Biryarên derbarê xweparastinê de

- Ji bo ku jinên ciwan tevlî yekîneyên parastinê bibin wê çalakiyên taybet bêne lidarxistin

- Ji bo ku jin di warê siyasî, qanûnî û civakî de bê parastin wê kar bê meşandin

- Ji bo xurtkirina YPJ’ê wê piştgiriya madî û manewî bê kirin

Piştî biryaran, ji bo kordînasyona Yekîtiya Star 31 kes hatin hilbijartin. Piştî hilbijartinan jî Endama Kordînasyona Yekîtiya Star Dîcle Serêkaniyê axaftina girtina kongreyê kir û ji hemû jinan re serkeftin xwest.

Kongre bi sloganên “Jin jiyan azadî”, “Bijî Serok Apo” bi dawî bû.