Meclîsa Jinan a Partiya Demokrasî û Wekheviyê (HEDEP) piştî kongreya xwe ya di 15’ê Cotmehê de hat lidarxistin, li Navenda Giştî ya Partiya Demokratîk a Gelan (HDP) civîna xwe ya yekemîn pêk anî. Di civîna ku endamên jin ên Meclîsa Partiyê (PM) yên di kongreyê de hatin hilbijartin lê kom bûn, geşedanên têkildarî rojevê, xeta nû ya têkoşînê û hilbijartinên rêveberiyên herêmî hatin nirxandin. Meclisa jinan jî di civînê de berdevka xwe diyar kir.

BERDEVKA MECLÎSA JINAN HATE HILBIJARTIN

Li gel gelek mijarên ku di civînê de hatin nîqaşkirin, parlamentera Amedê Halîde Turkoglû weke Berdevka Meclîsa Jinan hate hilbijartin.

MYK WÊ BÊ HILBIJARTIN

HEDEP wê sibê jî di civîna endamên PM’yê de endamên Lijneya Rêveberiya Navendî (MYK) hilbijêre û peywîrên wan diyar bike.