Li gorî bûyera ku li ser rêya semta Dîclekentê ya navçeya Peyasa Amedê pêk hatiye, pêrêzer Turkan Gulistan Tekîn û keça xwe ya biçûk ji aliyê zilamê bi navê F.G. ê ku di pêvajoya hevberdanê de bûn, hatin revandin. 

Ji aliyê din parêzer Tekîn îdia kiribû ku F.G. di meha adarê de keçika bi temenê 2 sal û nîv a bi biryara dadgehê velayeta wê dabû dayikê, ji malê biribû û mehekê tu agahî jê nehatibûn girtin. Parêzer Tekîn rastî hewldana êrişa F.G. hatibû û rewş bi bernameya KADES'ê ji polîsan re ragihandibû. Li ser giliyê parêzer polîsan F.G. destgîr kiribû û ew biribûn qereqolê. Her du alî piştî îfadeyên ku ji hev gilîkar nabin dan, polîsan keçik ji F.G. stendin û dan dayîka wê.