Kongreya Star êrîşên dagirkeriya Tirk ên li ser Başûrê Kurdistanê li Qamişlo bi meşekê şermezar kir.

Di meşê de nûnerên saziyên civaka sivîl û rûspiyên herêmê jî hazir bûn û posterên Rêberê Gelê Kurd Abdullah Ocalan hatin hildan.

Bi sedan kesên ku li Xaçerêka Rojhilat a Qamişlo hatin cem hev, pankartên bi nivîsên ku dewleta Tirk şermezar dikin hatin hildan û meşiyan. Piştî meşê ya li kolanên şên ên bajêr mîtîngek hate kirin.

Di mîtîngê de Rêvebera Kongreya Starê Remziya Mihemed axivî û êrîşên dewleta Tirk a dagirker ên li ser Heftanînê şermezar kir. Mihemed got ew ê berxwedana xwe ya li dijî dewleta Tirk bidomînin û diyar kir dewleta Tirk dixwaze Kurdan bi temamî tine bike.