Jinên li Tebqayê cara yekê 8'ê Adarê Roja Jinên Kedkar ên Cîhanê pîroz kirin. Bi vê armancê jin li ber Navenda Jinên Tebqayê li hev civiyan û bi pankart û qîrîna dirûşman meşiyan. Jinan posterên mezin ên şoreşgerên jin, wêneyên zarokên li Efrînê hatin kuştin vekirin.

Piştî meşa ji saetekê jin gihîştin Navenda Çandê û li vê derê ji bo bîranîna şehîdên têkoşîna azadiyê deqeyekê rêz girtin. Rêvebera Meclîsa Jinan Sûad El Reşîd, endama Komîteya Malbatên Şehîdan Ibtîsam Ibrahîm û rêvebera Komîteya Jinan a Meclîsa Sivîl a Tebqayê Cuheyna Miso axivîn û 8'ê Adarê li hemû jinan pîroz kirin.