Platfrom bi dirûşmeya “Em xwedî li berxwedana Leyla Guven û hevalên di greva birçîbûnê de derkevin” hate ava kirin û endamên platforma jiyanê ya li dijî tecrîdê ya Fransayê seat 18:00’an bi daxuyaniya çapemeniyê avabûna platformê ragihand.

Platfroma ku ji nûnerên ACTÎT, CDK-F, HDK-A, ADHK, Partîzan Fransa, SYKP, TJK-E, SKB, FEDA, CÎK û mala gel Parzarcik-Elbîstan pêk tê li metroya Saînt Denîs a Strasboûrgê daxuyaniyek da çapemeniyê.

Di daxuyaniya platforma jiyanê ya li dijî tecrîdê de hate gotin; “Sazî û kesên demokratîk ên li Ewropa heta roja îro bi çalakyên cuda xwedî li berxwedana mafdar a li dijî tecrîdê derketin. Lê di qonaxa niha de ev xwedîderketin kêm e. Ji bo desteka civakî ya li Ewropa a ji bo berxwedanê û pêkanîna daxwazên wan pêşxistina têkoşîna hevpar yek ji armancên me yên bingehîn e.

Li ser van armancan li pêşiya me em ê çalakiyên giran lidarbixin, bibin dengê çalakgerên grevên birçîbûnê û tecrîdê bişkînin.”

Piştî daxuyaniyê bi beşdarbûna 18 endamên platfromê li lokala Navenda Civaka Demokratîk a Kurd ya Parîsê bi armanca piştgirîdayîna grevên birçîbûnê çalakiya greva birçîbûnê ya 3 rojan hate destpê kirin.

Berdevkên platfromê diyar kirin ku çalakiya greva birçîbûnê ya li Parîsê ew ê roja Şemî û Yekşemê seat navbera 11:00 û 18:00’an de li Qada Repûblîqûeyê kon were vedan û banga tevlîbûnê li her kesê kirin.