Piştî giranbûna rewşa Hevseroka KCD’ê Leyla Guven a ji bo şikandina tecrîda giran a li ser Rêberê Gelê Kurd Abdullah Ocalan di roja 98’an de li gara trenê ya Parîsê çalakiyek hate kirin.

Li ser banga Tevgera Jinên Kurd ên Fransa (TJK-F) saetên şevê Kurdistaniyên li Gare du Nordê kom bûn, bi dirûşmên ‘Ji Ocalan re azadî’ wêneyên berxwedêrên grevan hildan.

Di çalakiyê de Leyla Guven û hemû berxwedêrên di grevê de ne hatin silavkirin. Dîsa bang li hikûmeta Fransa û hemû saziyên eleqedar hate kirin ku bi lezgîn bikevin nava tevgerê. Çalakî bi dirûşmên ‘Bijî Serok Apo’ û ‘Kujer, dîktator Erdogan’ bi dawî bû.