Tevgera Ciwanên Şoreşger (TCŞ) ji bo azadiya Rêberê Gelê Kurd Abdullah Ocalan li banliyoya Drancy ya paytexta Fransa Parîsê û li Taxa 4’an a Carte Orange çalakî pêk anîn.

Ciwanên bi pêşengiya TCŞ’ê li ber Navenda Civaka Kurd a Demokratîk (NCKD) ya Drancy hatin cem hev, pankartên “Werin Cenga Azadiyê” û “Ji Rêberê Gelê Kurd Abdullah Ocalan re azadî” û wêne û flamayên PKK’ê û Rêberê Gelê Kurd. Abdullah Öcalan hilgirtin.

Ciwanên ku bi daxwaza “Ji Rêber Abdullah Ocalan re azadî, ji Kurdistanê re statu” heta şaredariya Drancy bi qasî saetekê meşiyan, diyarkirin ku heta Rêber Apo azad bibe ew ê li qadan bin.

Li aliyê din bi heman armancê li stasyona trenê ya Pîerrefîtte Staîns a Parîsê çalakiya bêîteatiya sivîl hate lidarxistin.

Ciwanên ku 15 deqeyan rê li ser rêya qereqolê girtin, dirûşmeyên "Ji Ocalan re azadî", "Bê Serok jiyan nabe" û "Bijî Serok Apo" berzkirin.