Li herêma Normandîe ya Bakurê Fransayê rojbûna Rêberê Gelê Kurd Abdullah Ocalan hate pîrozkirin. Pîrozbahî li navenda NCKD'yê hate kirin û peyama KJK'ê hate xwendin.

Di axaftinan de li ser navê TJK-F'yê axaftin hate kirin û li ser rojbûna Ocalan hate gotin, ''Ji bo me îro bûyina civaka Rojhilata Navîn e. Rojhilata Navîn a azad tenê bi Rêbertiya azad pêkan e.''

MULHOUSE

Li Molhose ya Fransayê nêzî 100 kesî hatin cem hev û rojbûna Ocalan pîroz kirin. Dema pîrozbahiyê de ji bo Ocalan bi şêwaza dengbêjî stran hatin strandin û govend hatin gerandin.

GİESSEN

Li Gîessenê ya Elmanayê ji bo rojbûna Ocalan baxçeyekî zarokan hate danîn û kulîlk hatin çandin.

HANNOVER

Li Hannoverê ya Elmanyayê bi pêşengiya Meclîsa Jinan Ronahî rojbûna Ocalan hate pîrozkirin, di bernameyê de têkoşîna azadî, aştî û demokrasiyê ya Oclan hate vegotin û her wiha çareseriya konfederaliya demokratîk a Ocalan hate destnîşankirin. Her wiha hate xwestin ku li grevên birçîbûnê yên dijî tecrîda li ser Ocalan xwedî derkevin.

DORTMUND-LOHNE-ESSEN

Li Dortmûn û Lohne ya Elmanyayê jî li navendên civaka Kurd rojbûna hate pîrozkirin, li Essenê bi organîzasyona Meclîsa Jinan a Bêrîvan Şengalê rojbûna hate pîrozkirin. Di pîrozbahiyê de li ser jiyan û têkoşîna Ocalan axaftin hatin kirin, grevên birçîbûnê hatin destnîşankirin û şitl hatin danîn.

BORLANGE

Li Borlgange ya Swêdê jî salvegera rojbûna Ocalan hate pîrozkirin. Têkoşîn û felsefeya Ocalan hate vegotin, rojbûna Ocalan, ku week ''jiyana nû'' hatî pênasekirin, bi govendê hate pîrozkirin.

ANTWERPEN

Li Antwerpenê ya Belçîka jî gelek kes hatin cem hev û li  Navena Civaka Kurd a Demokratîk 4'e Nîsanê, rojbûna Rêberê Gelê Kurd Abdullah Ocalan hate pîrozkirin. Sînevizyonek têkilî Ocalan hate nîşandan.