Li gelek welatên Ewropayê bi daxwaza "Ji Ecevît Pîroglû re azadî"  li ber balyozxane û konsolosxaneyên Sirbistanê çalakî hatin lidarxistin.

Di çalakiya li Berlînê de hate bibîrxistin ku dewleta Sirbistanê 3 sal in mafên hiqûqî yên navxweyî û navneteweyî yê şoreşgerê enternasyonalîst Ecevît Pîroglû binpê dike û dîl girtin. Hat gotin ku Pîroglû di encama têkoşîna hevpar û berxwedana Pîroglû de serbest hate berdan.

Di çalakiyê de hat destnîşankirin ku serbestberdana Pîroglû tenê qonaxa yekemîn a têkoşînê ye û heta ku ji Sirbistanê dernekeve ne azad e.

Daraza Sirbistanê her çiqasî piştî bertekên tund Pîroglû serbest berda jî, gera wî hatiye qedexekirin.

TSP û ADGB'ê diyar kirin ku Pîroglû dîsa di bin xeteriya girtinê de ye û bi radestkirina dewleta Tirk re rû bi rû ye.

Bang li dewleta Sirbistanê kirin ku dev ji peymanên qirêj ên bi dewleta Tirk a faşîst re kirine berde û li gorî hiqûqa navneteweyî bihêle ku Piroglû ji Sirbistanê derkeve.

Platforma Dengê Girtiyan û ADGB'ê ragihandin ku heta Pîroglû ji Sirbistanê dernekeve wê çalakiyên xwe bidomînin.

Di çalakiyê de dirûşmeyên "Ji Ecevît Pîroglû re azadî" û "Bijî piştevaniya navneteweyî" hatin berzkirin.

Di dawiya çalakiyê de xwestin dosyayek radestî sefaretxaneyê bikin, lê peywirdaran derî venekirin û xwestin dosyayû têxin sindoqê. Çalakî piştî ku dosya xistin sindoqê bi dawî bû.