Li paytexta Bruksel Belçîkayê, Komploya Navneteweyî ya li dijî Rêberê Gelê Kurd Abdullah Ocalan bi pêşengiya Tevgera Ciwanên Şoreşger (TCŞ) û Tevgera Jinên Ciwanên Tekoşer (TEKOJIN) di sala xwe ya 25’an de hate protestokirin.

Girse li navenda Brûkselê li hev civiya û ji bo bîranîna şehîdên Azadiya Kurdistanê deqeyek rêz girtin. Pişt re jî bi dirûşmeyên "Bijî Serok Apo", "Bê Serok jiyan nabe", "Bijî berxwedana Zapê" li ber dadgeha hiqûqê a Brûkselê meş hat lidarxistin.

Ciwanan gotin, "Azadiya Abdullah Ocalan azadiya me ye" û destnîşan kirin ku ew ê vê têkoşîna ku bi biryardarî didomînin, bigihînin serkeftinê.

Meş piştî daxuyaniya li ber dadgehê bi dirûşmeyan bi dawî bû.