Dîwana Hevserokatiya KCDK-E’yê daxuyaniyeke nivîskî weşand û got “Balefirên şer ên dewleta Tirk a dagirker li Şengalê li ser Rêya Sûka Kevn li wesayîtekê da. Li ser vê rêyê gelê sivîl heye û di vê êrişê de 2 kesên sivîl şehîd bûne û birîndar hene.

Dewleta Tirk a dagirker cih û warên sivîlan bomberdûman dike û ev jî armanca wê ya qirker careke din radixe ber çavan.

Rêveberiya Xweser a Şengalê gelek caran bal kişandiye ser xetereyê, bang li hêzên navneteweyî û cîhanê kiriye ku bila tevdîran bistîne.

Xetereya li ser Êzidiyan di asta qirkirinê de ye û divê statuya Şengalê were naskirin.

Bêdengiya dewletên Ewropayê û ya hêzên navneteweyî culhet dide artêşa Tirk a dagirker. Divê hemû tevdîrên ji bo sekinandina dewleta Tirk a dagirker têkevin meriyetê. Bêdengî tê wateya şirîkatiya vê qirkirinê.

Em bang li gelê xwe yê welatparêz û dostên xwe dikin ku pişgiriyê bidin gelê Şengalê, li hemberî dewleta Tirk a dagirker helwesta xwe zelal bikin û êrişan bidin sekinandin.”