Heyeta HDP'ê ku ji Amîrê Îdareyê yê Meclîsê Mahmût Togrûl, Serokwekîlê Koma Meclîsê Hakki Sarûhan Olûç, Parlamentera Mêrdînê Pero Dundar û Nûnertiya HDP'ê ya Elmanyayê pêk dihat, li Berlînê bi nûnerên partiyên siyasî û weqfên siyasî re hevdîtinên dîplomatîk kir. Heyeta HDP'ê, nûnerên partiyên desthilatdar SPD, FDP, Bundnis 90/Dîe Grunen (Kesk) û ji partiyên muxalefetê Dîe Lînke û Konrad-Adenaûer-Stîftûng a nêzî CDU re hevdîtin kir.

Kesayetên ku heyeta HDP'ê re hevdîtin kirin wiha ne: "Berdevkê karên derve yê SPD Nîls Schmîdt, berdevkê karên derve yê FDP'ê Ûlrîch Lechte, Hevserokê Giştî yê Keskan Rîcarda Lang û Alîkarê Serokê Federal Pegah Edalatîon, serokê koma dostaniyê ya Tirkiye Elmanyayê Max Lûcks ê ji partiya Kesk, berdevkê karên derve yê Dîe Lînke Gregor Gysî, berdevkê Fraksiyona Dîe Lînke Dîetmar Bartsch û parlamenterên wê, ji Weqfa Heînrîch Boll endama desteya rêveber Îmme Scholz, ji Konrad-Adenaûer Stîftûng nûnera Rojhilata Navîn û Bakurê Efrîkayê Chrîstîna Baade."

WEKE 'ÊRIŞA DAGIRKERIYÊ' HATE NIRXANDIN

Di hevdîtinan de doza girtinê û doza Kobanê yên li dijî HDP'ê, êrişên dagirkeriyê yên dewleta Tirk ên li ser Başûr û Rojavayê Kurdistanê hatin nirxandin û piştgirî ji HDP'ê re hate dayin.

Çavkaniyên ku ji ANF'ê re axivîn diyar kirin ku nûnerên SDP, FDP û Keskan êrişa dewleta Tirk a li ser Başûr weke "êrişa dagirkeriyê" pênase kirine.