Çalakiya greva birçîbûnê ya Kurdistanî Îmam Şîş a bi armanca piştgirîkirina çalakiya greva birçîbûnê ya bêdawî û bêderveger a Hevseroka KCD’ê û Parlementera HDP’ê ya Colemerêgê Leyla Guven a li dijî tecrîda giran a li ser Rêberê Gelê Kurd Abdullah Ocalan û tenduristiya wî dabû destpêkirin, di roja 16’an de dom dike.

Şîş ê bi hemwext bi çalakiya greva birçîbûnê ya li Strasboûrgê re destpêkiribû, Kurdistaniyan serdana wî kirin.

Çalakiya greva birçîbûnê ya li Navenda Civaka Demokratîk a Kurd a Newportê dewam dike, nûnerên Meclîsên Gelê Kurd ên Manchester û Lîverpoolê hatibûn serdana çalakiyê kirin û peyamên piştgiriyê dan.

Endamê Meclîsa Gelê Kurd a Manchester û Lîverpoolê Ahemt Muslim di serdanê de axivî û bang li dostên li Galler û Brîtanyayê kir ku xwedî li çalakiyê derkevin û ji bo rakirina tecrîda li ser Ocalan banga têkoşînê kir.

Hevseroka Meclîsa Gel a Gallerê Zîlan Şengul jî axivî û diyar kir ku heta daxwazên çalakvanên çalakiya grevên birçîbûnê yên bêdawî û bêdorveger bicih werin wê têkoşîn bidome.