Wezîra Hêzên Çekdar a Fransayê Florence Parly ji kanala BFMTV re axivî û got ew ne aligîr in ku çeteyên DAÎŞ’ê yên hemwelatiyê Fransayê paşve bigrin.

Parly têkildarî çeteyên DAÎŞ’ê yên li Sûriye û Iraqê hatine girtin, got ku; “Di vê mijarê de helwesta Fransayê diyar e. Ti niyeta me nîne şervanên bigirin welat. Divê li cihê ku sûc kirine werin darizandin û hesab bidin.”

Wezîra Hêzên Çekdar a Fransayê Florence Parly diyar kir ku di nava bi hezaran çeteyên DAÎŞ’ê yên ku ji aliyê hêzên QSD’ê ve hatin girtin hemwelatiyên Fransyê jî hene û got, di vê mijarê de helwesta me diyar e.

Parly wiha domand; “Em werin li ser girtiyên di destê Kurdên Sûriyeyê de. Ti nêrînekî ya me ku ew li wir nemînin tune ye. Li wir girtî ne. Di nava çar dîwaran de ne û divê li wir bimînin.”

Parly bi domdarî got; “DAÎŞ’î bi şaştî neçûn Sûriye û Iraqê. Bi dildarî çûn wir. Yanî li wir xirabî kirin, sûc kirin, bûn şahîdên bûyerên li wir û divê li wê derê hesab bidin.”