Penaberê siyasî Ecevît Pîroglû ku di Hezîrana 2021’an de li Sirbîstanê hat girtin û Tirkiye daxwaza radestkirina wî dike, hat berdan. Hate hînbûn ku Pîroglû bi şertê ku ji Sirbîstanê dernekeve hatiye berdan.

Berdevkê Platforma Dengê Girtiyan (TSP) Bakî Gul ji bo Pîroglû got: “Beriya nexweşxaneyê birin kampê, pişre birin qereqolê. Niha jî azad bû.”

Pîroglû ku biryara berdana wî hatibû dayîn, lê ji aliyê polîsên Sirbîstanê ve hate binçavkirin û birin kampa ku koçber/penaber lê tê girtin, ji bo azadiya xwe dest bi greva birçîbûnê kiribû. Pîroglû ku ketibû bin 45 kîloyan û rewşa tendurîstiya ve nebaştir dibû, di 26’ê Hezîranê de li ser banga Partiya Komunaran a Şoreşger /Hêzên Yekbûyî yên Azadiyê (DKP/BOG) di roja 136’an de çalakiya xwe bi dawî kiribû.