Bi çalakiyeke bêdeng qeyûm hatin şermezarkirin
Desteserkirina şaredariyên HDP’ê yên bajarên Amed, Wan û Mêrdînê li paytexta Elmanya Berlînê bi çalakiyeke bêdeng hate şermezarkirin.
Desteserkirina şaredariyên HDP’ê yên bajarên Amed, Wan û Mêrdînê li paytexta Elmanya Berlînê bi çalakiyeke bêdeng hate şermezarkirin.
Xwepêşandanên li dijî desteserkirina şaredariyên Partiya Demokratîk a Gelan (HDP) yên Amed, Wan û Mêrdînê dewam dikin. Girseya ku li paytexta Elmanya Berlînê hatin ba hev, bi pankart û dowîzên hildabûn bêdengiya welatên Ewropa bi çalakiyeke bêdeng şermezar kirin.
Çalakiya ku ji aliyê Civaka Kurdistana Azad a Berlînê ve hate kirin, li Qada Kûdamm a navenda tûrîstiyê ye pêk hat. Di çalakiyê de li dorî dêra hilweşiyayî ya dîrokî pankartên bi zimanê Elmanî û Îngilîzî hatin pêçan.
Her wiha di çalakiyê de bal hate kişandina ser qetilkirina xwezaya Kurdistanê û daxwaz hate kirin ku rêveberiya Berlîn dawî li hevkariya xwe ya bi Tirkiyeyê re bîne. Her wiha li dijî siyaseta qeyûman banga têkoşîna hevpar hate kirin.
Çalakî bi belavkirina belavokan a saetên şevê bi dawî bû.