Mijara îsal a 21’ê Sibatê Roja Zimanê Zikmakî ya Navneteweyî ya ku sala 1999’ê ji aliyê UNESCO’yê ve hatibû ragihandin “Gihiştina pirtûk û çapemeniya dîjîtal ên bi zimanên xwecihî” ye.

UNESCO bi armanca balê bikişîne ser parastina zimanên xwecihî ev roja 21’ê sibatê weke roja Zimanê Zikmakî ya Navneteweyî ragihandibû. Rêvebera Giştî ya UNESCO’yê Irina Bokova got: “Pirzimanî ji bo mirovahiyê hêz û şansek e. Çand pirrengiya me nîşan dide."

Mijara sereke ya "International Mother Language Day -IMLD 2013” (Roja Zimanê Zikmakî ya Navneteweyî), “Gihiştina pirtûk û çapemeniya dîjîtal ên bi zimanên xwecihî” ye.

PIRTÛK VEKTORA PERWERDEYA ZIMANÊ ZIKMAKÎ YE

UNESCO’yê da znaîn ku sazî û komeleyên neteweyî yên dewletên ku endamên wê ne, ji bo pêşxistina zimanên zikmakî xwedî roleke kilîdê ne û got: “Çapemenî, dibistan, zanîngeh û komeleyên çandî ji bo IMLD xwedî roleke girîng in.”

Îro li cîhanê gelek ziman nayên karanîn. Ligel vê ligel pêşxistina qûralên nivîsandinê di her qadê de pêşketin çêbûn. Zimanzanên xwecihî û navneteweyî, pedagog û hîndekar ji bo pêşxistina qûralên zimên dixebitin. Ji bo vê yekê bi taybet xebatên li Amerîkaya Latîn û Asyayê weke mînak tên nîşandan.

DIVÊ LI DIBISTANAN HERÎ KÊM SÊ ZIMAN BÊN HÎNKIRIN

UNESCO, diyar dike ku divê li her dibistanekê du an jî sê ziman bên hînkirin û dibêje: “Zarok li malê an jî dibistanê zimanê xwe yê zikmakî bi kar tînin, ji bo ku bi bê zehmetî bikarin bi zimanê xwe bixwînin û binivîsin, divê xebat bê kirin û amadekariya  zimaneke din jî bê kirin.”

UNESCO karanîna du zimanan, an jî zêdetir zimanan weke vektora perwerdeyê dibîne. Ji ber wê jî rêxistina UNESCO dixwaz dike ku divê li her dibistanna herî kêm 3 ziman bên hînkirin. Ji bo vê jî ji sala 1999’ê ve têgîna “Perwerdeya Pirzimanî” qebûl kir.