TJK-E têkildarî êrîşa li hember mîtînga aştiyê ya li Enqereyê pêk hat got: “Em bang li tevayî Kurdistaniyên li Ewropayê dikin ku derkevin qada û komkujiya li Enqereyê protesto bikin.

Li hember kesên dixwazin hêviya aştiyê bi bombeyan ji holê rakin wek jin em li qadan bin.”

Tevgera Jinên Kurd a Ewropayê  (TJK-E) êrîşa bombeyî ya li hember mîtînga aştiyê protesto kir.

TJK-E got ku îro tam jî di wextekî ku mirov li bendê bîn KCK agirbestê bike teqandina bombeyê di mîtînga aştiyê de tavilê AKP û Erdogan tîne hişê mirov. Çima?Ji ber ku li vî welatî yekane hêza ku naxwaze aştî, xwişk-biratî pêk bê û pirsgirêka Kurd çareser bibe AKP û Recep Tayyîp Erdogan e...

Li hember vê komkujiyê di serî de jin em bang li Kurdistaniyên li Ewropayê dikin ku derkevin qadan û komkujiya li Enqereyê protesto bikin.

Li hember kesên dixwazin hêviya aştiyê bi bombeyan ji holê rakin wek jin em li qadan bin. Dengê aştî, xwişk-biratiyê bilind bikin.”