Helwesta dewletê ya li hemberî şewata li Çiyayê Cûdî li nerazîbûneke mezin rast tê. Meclîsa Ekolojiyê ya Bajarê Wanê ya ser bi Tevgera Ekolojiyê ya Mezopotamyayê daxuaniyek da çapemeniyê û venemirandina agirê li Çiyayê Cûdî, şermezar kir. Daxuyanî li avahiya DBP'ê ya Bajêr hat dayîn û parlamenterên HDP'ê yên Wanê Yûrdûsev Ozsokmenler, Adem Ozcaner, Tûgba Hezer, Hevserokên HDP'ê yên Bajêr Veysî Dîlekçî, Derya Hayva, Heverokên DBP'ê yên Bajêr hamiyet Şahîn, Munîr Aras, rêveberên bajar û navçeyan, endamên Meclîsa Ekolojiyê ya KCD'ê û şêniyên bajêr amade bûn.

Hevberdevkê Komîsyona Ekolojî ya KCD'ê Fatih Şahîn gotinên Rêberê Gelê Kurd Abdullah Ocalan ên "Çiyayên Cûdî û Gabar dostên Kaçkar û Erciyesê ne" bibîr xistin û da zanîn ku şewat ji aliyê sîstemê ve hatiye derxistin.

Şahîn diyar kir ku dixwazin axa Kurdistanê wêran bikin û nerazîbûn nîşanî rayedarên li hemberî şewatê tu tişt nekirin da. 

Şahîn got: "Îro Cûdî dişewite. Bi destê sîstemê ax û daristan tên şewitandin. Ev ax 'êdî ji texrîbata tekolojîk re dibêje bes' Dixwazin vegerin salên komkujî pêk dihatin, cînayetên kiryar nediyar dikirin, gund vala dikirin û asîmîlasyonê pêk dianîn."