Cenazeyê Serokê Giştî yê HAK-PAR'ê Fehmî Demîr di qezaya trafîkê de jiyana xwe ji dest da li navçeya Cîhanbeyliyê ya Konyayê hat definkirin.

Serokê Giştî yê Partiya Maf û Azadiyan (HAK-PAR) Fehmî Demîr li Tarsûsa Mêrsînê di qezaya trafîkê de jiyana xwe ji dest da, hat definkirin. Ji bo Demîr li ber navenda giştî ya HAK-PAR'ê ya Enqereyê di seatên serê sibê de merasîma cenazeyê pêk anîn. Piştî merasîmê cenaze ber bi bajaroka Yenîceoba ya Cîhanbeyliya Konyayê ve hat rêkirin.

Piştî wecîbeyên olî ya li mizgefta bajarokê nimêja cenazeyê hat kirin. Cenazeyê Demîr li goristana bajarokê hat definkirin.