Li bajarê Awûstralya Sydneyê ji bo Berxwedana 14’ê Tîrmehê merasîmek hat lidarxistin.

Di merasîmê de sembolên berxwedana zîndanan Hakî Karer, Çaran û Dr. Qasimlo yê ji aliyê dewleta Îranê ve hat qetilkirin li Komeleya Kurd a Awûstralya a Sidney hatin bîranîn.

Axaftvanan bal kişand ser girîngiya kesên di têkoşîna demokrasî û azadiyê de jiyana xwe ji dest dane û çîroka jiyana wan hat vegotin.

Di bîranînê de helbesta Adnan Yucel a "Dortler'in Gecesi/Şeva Çaran" ji aliyê Hunermend Roj ve hat xwendin.

Kurdistaniyên li Sydney dijîn her wiha tevlî kampanyaya, komeleyê ya bi navê, “Em fitre û zekatên xwe dişînın Rojava” bûn.