Li Amedê Komeleya Nivîskarên Kurd bi boneya Roja Çîrokê Cîhanê civîneke ku çîrokên Kurd hate nîqaşkirin lidarxistin.

Civîn li Navenda Çanda Cegerxwîn pêk hat û çîrokvanê Kurd Mehmet Dîcle û Recep Dildar wek axaftinvan tevlî civînê bûn.

Recep Dildar destpêkê axivî û di derbarê pêşveçûna çîrokên kurdî de agahî da û her wiha  têkiliya di navbera paşeroj û pêşerojê de çawa dikare bibe hate vegotin. Dilda ji bo nifşê pêşerojê pêşniyar kirin.

Serokê Komeleya nivîskarên Kurd Şêxmûs Sefer, nûnerên komeleyê Sîdar Jîr, Lokman Ayebe û Mehmet Devîren û gelek helbestkarên Kurd  Rûken Pel, Elîxan Loran û Umît Esen gelek kes tevli bûn.

Mehmet Dîcle jî li ser çîrokên bi kurdî yên ku nehatine nivîsîn rawestiya û diyar kir ku, ji ber ku li ser erdnîgariya kurdan êşên gelek mezin pêk hatine di warê çîrokvaniyê de gelek dewlemende.