Ji bo sê jinên li Parîsê hatin qetilkirin çalakiyên edaletê didomin.

Li paytexta Elmanya Berlînê li ber Konsolosxaneya Fransa ya li Qada Brandenburger Tor a dîrokî çalakiya edaletê dewam kir. Di çalakiyê de ji bo sê jinên şoreşger Sakîna Cansiz, Fîdan Dogan û Leyla Şaylemez ên li Parîsê hatin qetilkirin daxwaza edaletê hat kirin. Meclîsa Jinan a Berlîn DESTDAN pêşengî ji çalakiyê re kir. Di çalakiyê de pankartên, "Em hemû Sakîne, Fîdan, Leyla ne" û "Me ji bîr nekir, em ê nedin jibîrkirin" hatin vekirin. 

Di çalakiyê de belavokên Elmanî, Îngîlîzî û Fransî hatin belavkirin.