Şaxa Komeleya Mafê Mirovan a (ÎHD) ya Îzmîrê çalakiya xwe ya Nobeta Rêzgirtina ji Mafê Jiyanê re ku her hefte pêk tîne, çalakiya xwe ya 25. li ber Sumerbanka Kevn a Konak pêk anî. Tevî endamên komeleyê gelek nûnerên saziyên civaka sivîl û partiyên siyasî jî ku di nobetê de amade bûn, pankarta, “Ne dema ti dikujî dema ti bidî jiyandin ti dibî mirov” û wêneyên zarokên ku ji aliyê dewletê ve hatine qetilkirin hatin hiilgirtin.

Li ser navê komê endamê Komîsyona Ciwanan a Şaxa ÎHD’ê Îbrahîm Hanîzcî bal kişand ser komkujiya Roboskî. Hanîzcî da xuyakirin ku tevî 4 sal li ser komkujiyê re derbas bûye daxwaza edaletê ya malbatan nehatiye bicihanîn û got, derbkirina Parlamenterê Şirnexê FerhatEncu ji aliyê leşkeran ve nayê qebûlkirin. Hanîzcî yê êrîş şermezar kir got: "Heta edalet bê Roboskî em ê dest ji vî karî bernedin.”

 Piştî xwendina nameya Selahattîn Encu yê di komkujiyê de jiyana xwe ji dest da, çalakiya rûniştê pêk hat.