Pakistanê hişyarî dabû 1.7 milyon koçberên Efgan ê li welatê wan ku heta 1'ê Mijdarê welêt biterikînin. Hate ragihandin ku di rewşeke berevajî de wê bi rengekî neqanûnî bêne girtin, di binê çavan de bêne hiştin û ber bi Efganistanê ve bêne dersînorkirin.

Hikumeta Talîbanê ya li Kabûlê ji bo vê polîtîkaya dersînorkirinê got 'tacîz' û şermezar kir.

Li gorî rayedaran, bi hezaran penaberên Efgan ji dersiyê sînor ê Torhamê derbas bûn û bi wesayit û qemyonan berê xwe didin sînor. Tê gotin, ev hejmar zêde dibe.

Li gorî daxuyaniya ji deriyê sînor ê Torhamê hate kirin, bi liv û tevgera vê sibehê re zêdeyî 10 hezar penaber derbas bûn.

Hate ragihandin ku ji destpêka meha Cotmehê û vir ve zêdeyî 100 hezar koçberên Efgan li welatê xwe vegeriyan.