Şîrketa otomotîvê Elmanyayê Volkswagen diyar kir ku ji ber krîza koronayê di asta global de daxwaza ji bo otomobîlan kêm bûye û ji ber vê jî wan avakirina fabrîkeyê betal kiriye.

Ev fabrîke wê li Manîsayê bihata avakirin û piştre ev proje hatibû sekinandin. Li gorî daxuyaniyê ev proje hate betalkirin.

Bi nîv milyar eûroyan wê proje bihata destpêkirin û salê 300 hezar wesayît wê bihata çêkirin. Wê di vê fabrîkeyê de 4 hezar kes bixebitiyana.

Armanc ev bû ku di dawiya sala 2020’an de dest bi avakirina fabrîkeyê were kirin û di sala 2022’an de jî dest bi hilberînê bihata kirin.

Piştî dagirkeriya dewleta Tirk a li ser rojava ya ku di 9’ê Cotmeha 2019’an de dabû destpêkirin, projeya fabrîkeya li Manîsayê hatibû sekinandin. Şîrketê herî dawîn di meha Sibatê de daxuyanî dabû û biryara xwe ya ji bo fabrîkeyê taloq kiribû.