Serokê DYE'yê Donald Trump careke din dubare ki ku Fîlîstîniyên li Şerîda Xezeyê 'bênavber, bêşoreş û bêtundiyê' dixwazin li derveyî vê herêmê bijîn û anî ziman ku wê vê mijarê 'di demeke gelekî nêz de' li Washingtonê bi Benyamîn Netanyahû re binirxîne.
Donald Trump di vegera ji Floridayê de li balafira Air Force One axivî û got, "Şerîda Xezeyê salên dûr û dirêj mîna dojehê bû."
Trump got, "Ji ber vê yekê, bi dîtina min mirov dixwazin li herêmên hîn ewle û rehet bijîn."
Li ser pirsa 'Ji çareseriya bi du dewletan a navbera Îsraîl û Fîlîstînê hîn bawer dike yan na?' Serokê DYE'yê diyar kir ku wê mijarê bi Serokwezîrê Îsraîlê Benyamîn Netanyahû re 'di demeke ne dûr de' biaxive û got, "Wê bê vê derê."
Donald Trump roja Şemiyê daxuyaniyek dabû, fikrê plana 'paqijiyê' ya li Şerîda Xezeyê anîbû ziman û xwestibû Fîlîstîniyên li vê herêmê 'ji bo aştiyê' bişîne Misir û Urdunê. Cîhana Ereb li ber vê yekê rabû bû.
