Li gorî daxuyaniya Wezareta Karên Derve ya Dewletên Yekbûyî yên Amerîkayê (DYA), wezîr Mîke Pompeo wê roja Yekşemê bi lîderê Koreya Bakur Kîm Jong-ûn re rûnê.

Berdevka wezaretê Hearther Naûert got, hevdîtina Pompeo û Kîm Jong-ûn wê li Pyongyangê pêk were. Naûert diyar kir ku mijara bingehîn a hevdîtinê wê pêvajoya terikandina nukleerê be ku Koreya Bakur di nava salê de ev pêvajo ragihandibû.

Berdevk Naûert ragihand, Wezîrê Karên Derve Mîke Pompe wê rojên Şemî û Duşemê jî tevî Koreya Bakur serdana Japonya, Koreya Başûr û Komara Gel a Çînê bike. Pompeo wê bi Serokwezîrê Japonyayê Shînzo Abe û Serokdewletê Koreya Başûr Moon Jae-în re hevdîtinê bike.

Di navbera Koreya Bakur û DYA'yê de ji ber ceribandina fuzeyên nukleerî û balîstîk sala 2017'an krîzê dest pê kiribû. Ev krîz mehên destpêkê yên vê salê bi destpêkirina danûstandinan re bi awayekî surprîz ketibû ser rêya çareseriyê. Serokê DYA'yê Donald Trûmp û Serokdewletê Koreya Bakur Kîm Jong-ûn roja 12'ê Hezîranê li Sîngapûrê li hev rûniştibûn.