Di şerê nû yê Azerbaycanê de ku li ser Qerebaxê da destpêkirin, bi dehan kesî jiyana xwe ji dest dan. Rayedarên Qerebaxê qebûl kirin ku dest ji çekan berdin. Azerbaycanê ragihand ku danûstandin wê Pencşemê destpê bike.
Serokkomariya Azerbaycanê êvara Sêşemê bang li Qerebaxê kir ku dest ji çekan berde û ji nû ve dest bi şer kir. Di daxuyaniyê de hate gotin, "Hêzên çekdar ên Ermen ên neqanûnî divê ala spî hildin, çekên xwe hemûyan teslîm bikin û rejîma neqanûnî ji hev bê belavkirin. Di rewşeke berevajî de operasyonên têkoşîna li dijî terorê wê heta dawiyê dewam bikin."
Piştî bombardûmana 24 saetan, rayedarên xwecihî roja Çarşemê ragihandin ku di çarçoveya şert û mercên Azerbaycan ji bo danûstandinan ferz dike, bi nêta destberdana ji çekan e.
Piştî danûstandina hêza aştiyê ya Rûs, hate ragihandin ku ji bo agirbestê dest ji çekan hatiye berdan. Aliyê Azerbaycanê piştrast kir ku agirbest û danûstandin wê roja Pêncşemê destpê bikin. Herdu alî wê li ser jinûve entegrekirina Qerebaxê ya li ser Azerbaycanê danûstandinan bikin.
Di daxuyaniya Serokatiya Qerebaxê de hate gotin, "Ji bo vekişîna leşker û yekîneyên mayî yên hêzên çekdar ên Ermenistanê (...) û belavkirina rêxistiniyên çekdarî yên Artêşa Parastina Qerebaxê û bi temamî bêçekkirinê li hev hatiye kirin."
Li gorî daxuyaniya aliyê Ermenistanê di nava 24 saetan de herî kêm 32 kesan jiyana xwe ji dest dan, zêdeyî 200 kes jî birîndar bûn.
Hate ragihandin ku 2 ji kesên jiyana xwe ji dest dane û 13 ji birîndaran zarok in. Li gorî daxuyaniyan bi giştî 7 sivîlan jiyana xwe ji dest dan, 35 jî birîndar bûn.
