Pisporê NY’ê Îran bi qirkirinê sûcdar kir, Îranê ev yek red kir û şermezar kir
Pisporekî NY’ê Îran bi qirkirinê sûcdar kir. Hikûmeta Îranê jî ev yek şermezar kir.
Pisporekî NY’ê Îran bi qirkirinê sûcdar kir. Hikûmeta Îranê jî ev yek şermezar kir.
Raportorê Taybet Javaid Rehman têkildarî rewşa mafên mirovên li Îranê, roja Duşemê rapor weşand û bang kir ku têkildarî ‘zilm û êrîşên’ ku piştî Şoreşa Îslamê li dijî muxalîfên siyasî tên kirin, lêpirsîneke navneteweyî were vekirin.
Di rapora pisporê serbixwe de, wiha hate gotin: “Di sala 1981-1982 û 1988’an de bêdarizandin, înfazên kêfî û bêdaraz, ji xeynî cînayeta li dijî mirovahiyê û sûcên îmhayê tê wateya qirkirinê jî.”
Berdevkê Wezareta Karên Derve ya Îranê Nasir Kananî diyar kir ku weşandina raporê ‘ji bo lekekirina îmaja Îranê ye’ û ‘ev yek hewldaneke dijminan e’. Kanînî ev yek bi tundî şermezar kir.
Dîplomat Kananî pisporê NY’ê sûcdar kir ku “wezîfeya xwe ji bo xirabiyê bi kar tîne” û got: “Ti bingehê qanûnî yê van îdîayên ku ji aliyê vî raportorî ve hatine gotin, nînin û bi temamî tên redkirin.”