Li Xezeyê zêdetirî 100 xebatkarên saziya penaberan a NY’ê hatin kuştin
Ajansa Alîkariyê ya ji bo Penaberên Filistînî ya Neteweyên Yekbûyî (UNRWA) roja înê ragihand ku ji destpêka şer ve li Xezeyê zêdetirî 100 xebatkarên wan jiyana xwe ji dest dane.
Serokê UNRWA Phîlîppe Lazzarînî di daxuyaniya xwe ya li ser hesaba X de diyar kir ku di nava mehekî de zêdetirî 100 xebatkarên UNRWA’yê hatine kuştin.
Lazzarînî diyar kir ku ev dayik û bav, mamosta, hemşîre, bijîjk, karmendên alîkariyê ne û got: “UNRWA şîn digre, Filistînî şîn digrin, Îsraîlî şîn digrin. Ji bo dawî li vê trajediyê bînin pêwîstiya me bi agirbesteke mirovî ya bilez heye.”
