Bahoza Amanda ku ji roja Şemiyê ve bandorê li peravên Gûatemalayê dike bandoreke giran li du welatên Emerîka navîn kir. Ji ber bahozê ava çeman bilind bûn û elektrîk qut bûn.

Serokkomarê Salvadorê Nayîb Bûkele bal kişand ser rîska şemitîna xakê ya ji ber şert û mercên nebaş ên hewayê û ji bo 15 rojan rewşa lezgîn ragihand.

Wezîrê Karên Hundir ê Salvadorê Marîo Dûran jî diyar kir ku ew di rewşeke zehmet de ne û heta niha 14 kesan jiyana xwe ji dest dane, lê belê ev hejmar dibe ku zêde bibe.

Hate ragihandin ku 10 ji qurbaniyan li paytext San Salvador û sê kesên ji heman malbatê jî li bajarê La Lîbertadê jiyana xwe ji dest dan. Têkildarî kesê 14'emîn agahî nehatin parvekirin.