Ev daxuyaniya Ocha'yê xwe dispêre hejmara komeke kar a ji saziyên cuda yên li nuqteyên cuda yên herêmê jimartinê dike.

Hate ragihandin ku herî kêm 376 hezar kes vegeriyan bakurê Şerîda Xezeyê, nîvê van mirovan mêr, yek ji çar paran jin û zarok bûn.

Nifûsa ji 2.4 milyon mirovî ya Şerîda Xezeyê, nêzî temamiya wê di encama şerê 15 mehan de ji cih û warê xwe bû. Li gorî agirbesta navbera aliyan ku wê 6 hefteyan dewam bike, di berdêla berdana 33 dîlgirtiyên Îsraîlî de wê 1.900 mehkûmên Fîlîstînî bêne berdan.

Piştî ku berdana dîlgirtiyan qediya wê şert û mercên qonaxa duyemîn a ji bo bidawîkirina şer bêne nirxandin.

Di qonaxa dawî de jî wê Xeze ji nû ve bê avakirin û cenazeyên mirovên di dema dîlgirtinê de mirin, wê bêne radestkirin.