Saziya rêyên hesinî ya neteweyî SNCF’ê roja Înê daxuyaniyek da û ragihand ku li ser xetên Atlantîk, Bakur û Rojhilatê yên trêna bilez tevahiya şevê çalakiyên sabotajê pêk hatine û di encama van çalakiyan de trafîk hatiye sekinandin û vê bûyerê bandor li 800 kesî kiriye.

SNCF’ê têkildarî bûyeran got: ‘’Bi armanca zirardayîna tesîsên me bi qestî şewat hatine derxistin. Hê tu kesî çalakî negirtine li ser xwe.’’

Serokwezîr Gabrile Attal têkildarî êrîşa li dijî SNCF’yê axivî û ev yek anîn ziman: ‘’Servîsên me yên îstîxbaratê û hêzên me me yên ewlekariyê ji bo peydakirin û cezakirina kiryarên vê bûyerê seferber bûne.’’

Wezîra Werzîşê Amelie Qudea Cesterayê jî li hemberî bûyerê nerazîbûnên xwe nîşan da û kesên ku dixwazin ‘’Lîstikên Werzîşvanan’’ sabote bikin, şermezar kir.