Vîrûsa Covîd-19 ku li Kanûnê peyda bûyî li 120 welatî berbelav bû, piştî ku di 124 hezar kesî geriya Çarşemê Rêxistina Tendiristiyê ya Cîhanê daxuyanî da û got nexweşî veguheriye ser pandemiyê (hêla global).

Vîrûs nexasim van rojên dawî bilez li welatên Ewropayê berbelav bû. Li gorî daneyên Çarşemê li tevahiya Ewropayê ji 22 hezar û 300'î zêdetir teşhîsa vîrûsa koronayê hate danîn. Ji van nêzî hezarî mirin.

Li Ewropayê herî pir bandor li ser Italyayê kir. Li vî welatî 12 hezar û 462 weqa hatin dîtin, ji van 827 kes mirin. Li Italyayê di nav 24 saetan de 2 hezar û 313 weqayên din peyda bûn.

Wezîrê Tendiristiyê yê Fransayê Olîvîer Veran Çarşemê bi daxuyaniyekê got ji Çile û  vir ve hijmara weqayan bûye 2 hezar û 281, di van 24 saetÊn dawî de 15 kes mirine û heta niha kesên ku pê mirine bûne 48.

Li Spanyayê piranî jê li Madrîdê 48 kes mirin. Li gorî bîlançoya fermî bi tevahî teşhîsa 2 hezar û 140'î hatiye danîn. Ji Yekşemê û vir ve li welêt hijmara weqayan 600 kes zêde bû.

Li Elmanyayê hijmara weqayan bû 1908 û 3 kes mirin. Li Swîsreyê 642 weqe hene û heta niha 4 kes mirin. Li Belçîkayê 314 weqa hene û 3 kes pê mirine. Li Yewnanîstanê 3 jê rewşa wan giran, 99 weqa hatine tespîtkirin. Hikûmet ji ber ku ji ya xirabtir tirsiya hemû dibistan û zanîngeh girtin.