Li gorî anketa vê dawiyê, ku li kovara heftane Stern û qenala televîzyonê RTL de hate weşandin, bloka mûxafazakar CDU-CSU ya bi serokatiya Serokwezîr Angela Merkel, bi rêjeyeke bilind li pêş e.

Li gorî anketê, di navbera bloka mûxafazakar û Partiya Sosyal Demokrat (SPD) a bi serokatiya Martîn Schûlz de 17 pûan hene.

Di anketê de hate ragihandin ku rêjeya dengê CDU û CSU 40 ji sedî ye. Yê SPD'ê jî 23 ji sedî ye.

Li gorî anketeke beriya niha ku di nava meha Tîrmehê de hate kirin, SPD'ê dengê xwe 1 ji sedî zêde kiriye.

Partiya Keskan, partiya çep Dîe Lînke û Partiya Alternatîf ji bo Elmanyayê (AfD) bi rêjeya 8 ji sedî, li ber hev didin. Rêjeya dengê FDP a lîberal 7 ji sedî ye.

Angela Merkel ji sala 2005'an û vir ve hikumetê bi rê ve dibe. Eger di vê hilbijartinê de jî bi ser bkeve, wê bibe cara çaran ku serokatiyê ji hikumeta federal re dike.