Li Berlînê Eûtelsat hat protestokirin: 5 kes hatin binçavkirin
Li Berlînê ya ku paytexta Elmanyayê ye Kurd û dostên wan biryara sekinandina weşana kanalên Kurd a bi destê Eûtelsatê bi mîtîngekê protesto kirin.
PYD Berlîn û ji tevgerên şoreşger ên Tirkiyeyê ATÎK û Partîzanê piştgirî dan mîtînga ku bi pêşengiya NAV-DEM’ê hate organîzekirin, Di mîtîngê de peyamên piştgiriya ji bo medyaya Kurd hate dayîn.
Di mîtîngê de şehîdên meha Gulanê hatin bibîranîn û ji bo bîranîna Fermandarê BOG’ê Ûlaş Bayraktaoglû klam hate strîn.
Kurdên li Berlînê diyar kirin ku ew ê pêkutiyên li ser televîzyonên Kurd û medyaya azad protesto bikin.
Polîsên Berlînê bi hinceta ku slogana “Bijî YPG, Bijî YPJ” berz kirine, 5 ciwan xist binçavan.
