Li Îranê piştî êrîşê gelek kes hatin destgîrkirin
Yekîneyên ewlehiyê yên Îranê piştî êrîşa li Ahvazê ya li Îranê gelek kes destgîr kirin.
Yekîneyên ewlehiyê yên Îranê piştî êrîşa li Ahvazê ya li Îranê gelek kes destgîr kirin.
Ajansa nûçeyan a Mîzanê ya Îranê diyar kir ku Wezîrê Îstîxbaratê Mahmûd Alavî ragihandiye ku gelek kesên ‘gumanbar’ hatine destgîrkirin.
Alavî gotiye ku, “Em ê hemû terorîstên eleqedarî vê êrîşê tespît bikin. Gelek ji wan hatine destgîrkirin.”
Têkildarî hejmara kesên hatine destgîrkirin û nasnameya wan tu agahî nehate dayîn. Li Îranê piştî her êrîşê bi awayekî sîstematîk operasyonên destgîrkirinê tê kirin. Li Îranê darizandineke adlî tune û kesên tên destgîrkirin bi êşkenceyê îfadeya wan tê stendin.
Di êrîşa roja Şemiyê de 25 kes miribûn. Ev êrîş, êrîşa herî xedar a li dijî pasdaran e.
Pasdaran jî sonda tolhildanê xwarin . Alîkarê Serfermandarê Pasdaran vê Duşemê gefên xwe yên li dijî DYA û Îsraîlê dubare kir û got ku, “Hûn ê bibînin ku bersiva me, ew ê tund be. Hûn ê ji ber kirinên xwe poşman bibin.”