Li Çînê Bagera Gaemi: 300 hezar kes hatin tehliyekirin
Bagera Gaemi roja Îniyê li rojhilat û başûrê Çînê bû sedem ku nêzî 300 hezar kes bên tehliyekirin. Li gorî medyaya dewletê ji ber bagerê dibistan, bazar û xizmetên civakî hatin taloqkirin.
Bagera Gaemi roja Îniyê li rojhilat û başûrê Çînê bû sedem ku nêzî 300 hezar kes bên tehliyekirin. Li gorî medyaya dewletê ji ber bagerê dibistan, bazar û xizmetên civakî hatin taloqkirin.
Gaemi li Tayvanê her ji niha ve bû sedemê mirina 5 kesan û bi leza di saetê de 190 km, weke bagera herî gund a ku 8 sal in li giravê çêdibe, hate qeydkirin.
Roja Pêncşemê li bajarê Kaohsiung a Tayvanê, bû sedemê lehiyên mezin. Her wiha, li Fîlîpînan baranên demsalî tund bûn, her wiha lehî û hezaz çêbû û ev jî bû sedemê mirina 20 kesan.
Bagera Gaemi şeva Pêncşemê gihişt Çînê û bi taybetî li eyaletên Fujian û Zhejiang bi bandor bû.
Li Fjian’ê zêdeyî 290.000 kes bi tirsa lehiyê hatin tehliyekirin, li bajarê Wenzhou ku bajarê mezin ê eyaleta Zhejiang e, hişyariya lezgîn hate kirin û zêdeyî 7 hezar kes hatin tehliyekirin.
Serokkomarê Çînê Şi Cinping roja Pêncşemê têkildarî şert û mercên hewaya xrab, civîneke lezgîn lidar xist.