Katalan pênc roj in çalakiyan dikin
Li herêma xweser a Spanyayê li Katalonyayê biryara Dadgeha Bilind a mehkûmkirina alîgirên serxwebûnê yên Katalanan pênc roj in tê şermezarkirin.
Di roja pêncemîn a çalakiyan de rêya bejahî ya navbera Spanya û Fransayê ji du aliyan ve hatiye asêkirin.
Wezareta Karên Hundir a Spanyayê ragihand ku çalakgeran rêya neteweyî ya li La Jonqûera ya li nêzî Gîronayê asê kirine.
Li paytexta Katalonya Barcelonayê di şeva pêncşemê de çalakiyên şermezarkirinê bi tundî dom kirin.
Katalan li dij biryara Dadgeha Bilind a Spanyayê radibin ku rêveberên alîgirê serxwebûnê mehkûm kiriye.
