Li gorî bîlançoya nû ya Wezareta Tenduristiyê ya Hamasê, ji 7'ê Cotmehê û vir ve hejmara kesên ji ber bombardûmana Îsraîlê li Şerîda Xezeyê hatin kuştin gihîştiye 7 hezar û 28 mirovî ku 2 hezar û 913 ji wan zarok bûn.
Wezareta Tenduristiyê ya Hamasê ku Şerîda Xezeyê kontrol dike, têkildarî bombardûmana Îsraîlê bîlançoyeke nû weşand.
Wezaretê diyar kir ku ji 7'ê Cotmehê dema destpêkirina êrîşa Hamasê ya li ser Îsraîlê û vir ve, di encama bombardûmana Îsraîlê de herî kêm 7 hezar û 28 kes hatine kuştin.
Hate ragihandin ku 2 hezar û 913 ji wan zarok, hezar û 709 jî jin bûn. Li gorî wezaretê 18 hezar û 484 kes jî birîndar bûn.
Îsraîl jî diyar dike ku ji 7'ê Cotmehê û vir ve di êrîşa Hamasê de piraniya wan sivîl zêdeyî hezar û 400 kes hatine kuştin.
Li gorî daxuyaniya dawî ya artêşa Îsraîlê, di destê Hamasê de 224 dîlgirtî hene û ev hejmar dibe ku zêde bibe.
46 ŞERVANÊN HAMASÊ HATIN KUŞTIN
Li aliyê Lubnanê jî şer û bombardûman dewam dike. Hîzbûllahê ragihand ku vê sibehê 2 şervanên wan hatine kuştin. Li gorî medya Lubnanê ji 7'ê Cotmehê û vir ve tevî şervanên Hîzbûllahê 46 kes hatine kuştin.
