Li Xezeyê di etaba destpêkê ya peyman-agirbesta navbera Îsraîl û Hamasê de, cara duyem dîlgirtî tên berdan.

Hamasê 4 leşkerên jin ên Îsraîlî, radestî Xaça Sor kir. Konvoya Xaça Sor piştî wergirtina dîlgirtiyan, ji Qada Fîlîstînê çû.

Hêzên Parastinê yên Îsraîlê (IDF) got, “4 leşkerên vegeriyane, Daniela Gilboa, Liri Elbag, Naama Levy û Karina Ariev bi hêzên IDF û Shin Bet re sînor derbas kirin û ketin xaka Îsraîlê.”

Tê payîn ku îro Îsraîl 200 girtiyên Fîlîstînî ji girtîgehên xwe berde. Hamasê lîsteyek weşand ku navên van 200 Fîlîstîniyan têde cih digirin.